י"ד אב

ו׳

הפרקים היום כתובים בארמית. תרגום מילולי נמצא בסוף הקריאה היומית.

וְדָרְיָוֶשׁ מָדָאָה קַבֵּל מַלְכוּתָא כְּבַר שְׁנִין שִׁתִּין וְתַרְתֵּין׃

שְׁפַר קֳדָם דָּרְיָוֶשׁ וַהֲקִים עַל־מַלְכוּתָא לַאֲחַשְׁדַּרְפְּנַיָּא מְאָה וְעֶשְׂרִין דִּי לֶהֱוֺן בְּכׇל־מַלְכוּתָא׃

וְעֵלָּא מִנְּהוֹן סָרְכִין תְּלָתָה דִּי דָנִיֵּאל חַד־מִנְּהוֹן דִּי־לֶהֱוֺן אֲחַשְׁדַּרְפְּנַיָּא אִלֵּין יָהֲבִין לְהוֹן טַעְמָא וּמַלְכָּא לָא־לֶהֱוֵא נָזִק׃

אֱדַיִן דָּנִיֵּאל דְּנָה הֲוָא מִתְנַצַּח עַל־סָרְכַיָּא וַאֲחַשְׁדַּרְפְּנַיָּא כׇּל־קֳבֵל דִּי רוּחַ יַתִּירָא בֵּהּ וּמַלְכָּא עֲשִׁית לַהֲקָמוּתֵהּ עַל־כׇּל־מַלְכוּתָא׃

אֱדַיִן סָרְכַיָּא וַאֲחַשְׁדַּרְפְּנַיָּא הֲווֹ בָעַיִן עִלָּה לְהַשְׁכָּחָה לְדָנִיֵּאל מִצַּד מַלְכוּתָא וְכׇל־עִלָּה וּשְׁחִיתָה לָא־יָכְלִין לְהַשְׁכָּחָה כׇּל־קֳבֵל דִּי־מְהֵימַן הוּא וְכׇל־שָׁלוּ וּשְׁחִיתָה לָא הִשְׁתְּכַחַת עֲלוֹהִי׃

אֱדַיִן גֻּבְרַיָּא אִלֵּךְ אָמְרִין דִּי לָא נְהַשְׁכַּח לְדָנִיֵּאל דְּנָה כׇּל־עִלָּה לָהֵן הַשְׁכַּחְנָא עֲלוֹהִי בְּדָת אֱלָהֵהּ׃

אֱדַיִן סָרְכַיָּא וַאֲחַשְׁדַּרְפְּנַיָּא אִלֵּן הַרְגִּשׁוּ עַל־מַלְכָּא וְכֵן אָמְרִין לֵהּ דָּרְיָוֶשׁ מַלְכָּא לְעָלְמִין חֱיִי׃

אִתְיָעַטוּ כֹּל  סָרְכֵי מַלְכוּתָא סִגְנַיָּא וַאֲחַשְׁדַּרְפְּנַיָּא הַדָּבְרַיָּא וּפַחֲוָתָא לְקַיָּמָה קְיָם מַלְכָּא וּלְתַקָּפָה אֱסָר דִּי כׇל־דִּי־יִבְעֵא בָעוּ מִן־כׇּל־אֱלָהּ וֶאֱנָשׁ עַד־יוֹמִין תְּלָתִין לָהֵן מִנָּךְ מַלְכָּא יִתְרְמֵא לְגֹב אַרְיָוָתָא׃

כְּעַן מַלְכָּא תְּקִים אֱסָרָא וְתִרְשֻׁם כְּתָבָא דִּי לָא לְהַשְׁנָיָה כְּדָת־מָדַי וּפָרַס דִּי־לָא תֶעְדֵּא׃

כׇּל־קֳבֵל דְּנָה מַלְכָּא דָּרְיָוֶשׁ רְשַׁם כְּתָבָא וֶאֱסָרָא׃

וְדָנִיֵּאל כְּדִי יְדַע דִּי־רְשִׁים כְּתָבָא עַל לְבַיְתֵהּ וְכַוִּין פְּתִיחָן לֵהּ בְּעִלִּיתֵהּ נֶגֶד יְרוּשְׁלֶם וְזִמְנִין תְּלָתָה בְיוֹמָא הוּא  בָּרֵךְ עַל־בִּרְכוֹהִי וּמְצַלֵּא וּמוֹדֵא קֳדָם אֱלָהֵהּ כׇּל־קֳבֵל דִּי־הֲוָא עָבֵד מִן־קַדְמַת דְּנָה׃

אֱדַיִן גֻּבְרַיָּא אִלֵּךְ הַרְגִּשׁוּ וְהַשְׁכַּחוּ לְדָנִיֵּאל בָּעֵה וּמִתְחַנַּן קֳדָם אֱלָהֵהּ׃

בֵּאדַיִן קְרִבוּ וְאָמְרִין קֳדָם־מַלְכָּא עַל־אֱסָר מַלְכָּא הֲלָא אֱסָר רְשַׁמְתָּ דִּי כׇל־אֱנָשׁ דִּי־יִבְעֵא מִן־כׇּל־אֱלָהּ וֶאֱנָשׁ עַד־יוֹמִין תְּלָתִין לָהֵן מִנָּךְ מַלְכָּא יִתְרְמֵא לְגוֹב אַרְיָוָתָא עָנֵה מַלְכָּא וְאָמַר יַצִּיבָא מִלְּתָא כְּדָת־מָדַי וּפָרַס דִּי־לָא תֶעְדֵּא׃

בֵּאדַיִן עֲנוֹ וְאָמְרִין קֳדָם מַלְכָּא דִּי דָנִיֵּאל דִּי מִן־בְּנֵי גָלוּתָא דִּי יְהוּד לָא־שָׂם עֲלָךְ מַלְכָּא טְעֵם וְעַל־אֱסָרָא דִּי רְשַׁמְתָּ וְזִמְנִין תְּלָתָה בְּיוֹמָא בָּעֵא בָּעוּתֵהּ׃

אֱדַיִן מַלְכָּא כְּדִי מִלְּתָא שְׁמַע שַׂגִּיא בְּאֵשׁ עֲלוֹהִי וְעַל דָּנִיֵּאל שָׂם בָּל לְשֵׁיזָבוּתֵהּ וְעַד מֶעָלֵי שִׁמְשָׁא הֲוָא מִשְׁתַּדַּר לְהַצָּלוּתֵהּ׃

בֵּאדַיִן גֻּבְרַיָּא אִלֵּךְ הַרְגִּשׁוּ עַל־מַלְכָּא וְאָמְרִין לְמַלְכָּא דַּע מַלְכָּא דִּי־דָת לְמָדַי וּפָרַס דִּי־כׇל־אֱסָר וּקְיָם דִּי־מַלְכָּא יְהָקֵים לָא לְהַשְׁנָיָה׃

בֵּאדַיִן מַלְכָּא אֲמַר וְהַיְתִיו לְדָנִיֵּאל וּרְמוֹ לְגֻבָּא דִּי אַרְיָוָתָא עָנֵה מַלְכָּא וְאָמַר לְדָנִיֵּאל אֱלָהָךְ דִּי אַנְתְּ פָּלַח־לֵהּ בִּתְדִירָא הוּא יְשֵׁיזְבִנָּךְ׃

וְהֵיתָיִת אֶבֶן חֲדָה וְשֻׂמַת עַל־פֻּם גֻּבָּא וְחַתְמַהּ מַלְכָּא בְּעִזְקְתֵהּ וּבְעִזְקָת רַבְרְבָנוֹהִי דִּי לָא־תִשְׁנֵא צְבוּ בְּדָנִיֵּאל׃

אֱדַיִן אֲזַל מַלְכָּא לְהֵיכְלֵהּ וּבָת טְוָת וְדַחֲוָן לָא־הַנְעֵל קׇדָמוֹהִי וְשִׁנְתֵּהּ נַדַּת עֲלוֹהִי׃

בֵּאדַיִן מַלְכָּא בִּשְׁרְרָא יְקוּם בְּנׇגְהָא וּבְהִתְבְּהָלָה לְגֻבָּא דִי־אַרְיָוָתָא אֲזַל׃

וּכְמִקְרְבֵהּ לְגֻבָּא לְדָנִיֵּאל בְּקָל עֲצִיב זְעִק עָנֵה מַלְכָּא וְאָמַר לְדָנִיֵּאל דָּנִיֵּאל עֲבֵד אֱלָהָא חַיָּא אֱלָהָךְ דִּי אַנְתְּ פָּלַח־לֵהּ בִּתְדִירָא הַיְכִל לְשֵׁיזָבוּתָךְ מִן־אַרְיָוָתָא׃

אֱדַיִן דָּנִיֵּאל עִם־מַלְכָּא מַלִּל מַלְכָּא לְעָלְמִין חֱיִי׃

אֱלָהִי שְׁלַח מַלְאֲכֵהּ וּסְגַר פֻּם אַרְיָוָתָא וְלָא חַבְּלוּנִי כׇּל־קֳבֵל דִּי קׇדָמוֹהִי זָכוּ הִשְׁתְּכַחַת לִי וְאַף קׇדָמָךְ מַלְכָּא חֲבוּלָה לָא עַבְדֵת׃

בֵּאדַיִן מַלְכָּא שַׂגִּיא טְאֵב עֲלוֹהִי וּלְדָנִיֵּאל אֲמַר לְהַנְסָקָה מִן־גֻּבָּא וְהֻסַּק דָּנִיֵּאל מִן־גֻּבָּא וְכׇל־חֲבָל לָא־הִשְׁתְּכַח בֵּהּ דִּי הֵימִן בֵּאלָהֵהּ׃

וַאֲמַר מַלְכָּא וְהַיְתִיו גֻּבְרַיָּא אִלֵּךְ דִּי־אֲכַלוּ קַרְצוֹהִי דִּי דָנִיֵּאל וּלְגוֹב אַרְיָוָתָא רְמוֹ אִנּוּן בְּנֵיהוֹן וּנְשֵׁיהוֹן וְלָא־מְטוֹ לְאַרְעִית גֻּבָּא עַד דִּי־שְׁלִטוּ בְהוֹן אַרְיָוָתָא וְכׇל־גַּרְמֵיהוֹן הַדִּקוּ׃

בֵּאדַיִן דָּרְיָוֶשׁ מַלְכָּא כְּתַב לְכׇל־עַמְמַיָּא אֻמַּיָּא וְלִשָּׁנַיָּא דִּי־דָיְרִין בְּכׇל־אַרְעָא שְׁלָמְכוֹן יִשְׂגֵּא׃

מִן־קֳדָמַי שִׂים טְעֵם דִּי  בְּכׇל־שׇׁלְטָן מַלְכוּתִי לֶהֱוֺן זָיְעִין וְדָחֲלִין מִן־קֳדָם אֱלָהֵהּ דִּי־דָנִיֵּאל דִּי־הוּא  אֱלָהָא חַיָּא וְקַיָּם לְעָלְמִין וּמַלְכוּתֵהּ דִּי־לָא תִתְחַבַּל וְשׇׁלְטָנֵהּ עַד־סוֹפָא׃

מְשֵׁיזִב וּמַצִּל וְעָבֵד אָתִין וְתִמְהִין בִּשְׁמַיָּא וּבְאַרְעָא דִּי שֵׁיזִב לְדָנִיֵּאל מִן־יַד אַרְיָוָתָא׃

וְדָנִיֵּאל דְּנָה הַצְלַח בְּמַלְכוּת דָּרְיָוֶשׁ וּבְמַלְכוּת כּוֹרֶשׁ פָּרְסָאָה׃

ז׳

בִּשְׁנַת חֲדָה לְבֵלְאשַׁצַּר מֶלֶךְ בָּבֶל דָּנִיֵּאל חֵלֶם חֲזָה וְחֶזְוֵי רֵאשֵׁהּ עַל־מִשְׁכְּבֵהּ בֵּאדַיִן חֶלְמָא כְתַב רֵאשׁ מִלִּין אֲמַר׃

עָנֵה דָנִיֵּאל וְאָמַר חָזֵה הֲוֵית בְּחֶזְוִי עִם־לֵילְיָא וַאֲרוּ אַרְבַּע רוּחֵי שְׁמַיָּא מְגִיחָן לְיַמָּא רַבָּא׃

וְאַרְבַּע חֵיוָן רַבְרְבָן סָלְקָן מִן־יַמָּא שָׁנְיָן דָּא מִן־דָּא׃

קַדְמָיְתָא כְאַרְיֵה וְגַפִּין דִּי־נְשַׁר לַהּ חָזֵה הֲוֵית עַד דִּי־מְּרִיטוּ גַפַּהּ וּנְטִילַת מִן־אַרְעָא וְעַל־רַגְלַיִן כֶּאֱנָשׁ הֳקִימַת וּלְבַב אֱנָשׁ יְהִיב לַהּ׃

וַאֲרוּ חֵיוָה אׇחֳרִי תִנְיָנָה דָּמְיָה לְדֹב וְלִשְׂטַר־חַד הֳקִמַת וּתְלָת עִלְעִין בְּפֻמַּהּ בֵּין שִׁנַּהּ וְכֵן אָמְרִין לַהּ קוּמִי אֲכֻלִי בְּשַׂר שַׂגִּיא׃

בָּאתַר דְּנָה חָזֵה הֲוֵית וַאֲרוּ אׇחֳרִי כִּנְמַר וְלַהּ גַּפִּין אַרְבַּע דִּי־עוֹף עַל־גַּבַּהּ וְאַרְבְּעָה רֵאשִׁין לְחֵיוְתָא וְשׇׁלְטָן יְהִיב לַהּ׃

בָּאתַר דְּנָה חָזֵה הֲוֵית בְּחֶזְוֵי לֵילְיָא וַאֲרוּ חֵיוָה רְבִיעָאָה דְּחִילָה וְאֵימְתָנִי וְתַקִּיפָא יַתִּירָה וְשִׁנַּיִן דִּי־פַרְזֶל לַהּ רַבְרְבָן אָכְלָה וּמַדֱּקָה וּשְׁאָרָא בְּרַגְלַהּ רָפְסָה וְהִיא מְשַׁנְּיָה מִן־כׇּל־חֵיוָתָא דִּי קׇדָמַהּ וְקַרְנַיִן עֲשַׂר לַהּ׃

מִשְׂתַּכַּל הֲוֵית בְּקַרְנַיָּא וַאֲלוּ קֶרֶן אׇחֳרִי זְעֵירָה סִלְקָת בֵּינֵיהֵן וּתְלָת מִן־קַרְנַיָּא קַדְמָיָתָא אֶתְעֲקַרָה מִן־קֳדָמַהּ וַאֲלוּ עַיְנִין כְּעַיְנֵי אֲנָשָׁא בְּקַרְנָא־דָא וּפֻם מְמַלִּל רַבְרְבָן׃

חָזֵה הֲוֵית עַד דִּי כׇרְסָוָן רְמִיו וְעַתִּיק יוֹמִין יְתִב לְבוּשֵׁהּ  כִּתְלַג חִוָּר וּשְׂעַר רֵאשֵׁהּ כַּעֲמַר נְקֵא כׇּרְסְיֵהּ שְׁבִבִין דִּי־נוּר גַּלְגִּלּוֹהִי נוּר דָּלִק׃

נְהַר דִּי־נוּר נָגֵד וְנָפֵק מִן־קֳדָמוֹהִי אֶלֶף אַלְפִין יְשַׁמְּשׁוּנֵּהּ וְרִבּוֹ רִבְבָן קָדָמוֹהִי יְקוּמוּן דִּינָא יְתִב וְסִפְרִין פְּתִיחוּ׃

חָזֵה הֲוֵית בֵּאדַיִן מִן־קָל מִלַּיָּא רַבְרְבָתָא דִּי קַרְנָא מְמַלֱּלָה חָזֵה הֲוֵית עַד דִּי קְטִילַת חֵיוְתָא וְהוּבַד גִּשְׁמַהּ וִיהִיבַת לִיקֵדַת אֶשָּׁא׃

וּשְׁאָר חֵיוָתָא הֶעְדִּיו שׇׁלְטָנְהוֹן וְאַרְכָה בְחַיִּין יְהִיבַת לְהוֹן עַד־זְמַן וְעִדָּן׃

חָזֵה הֲוֵית בְּחֶזְוֵי לֵילְיָא וַאֲרוּ עִם־עֲנָנֵי שְׁמַיָּא כְּבַר אֱנָשׁ אָתֵה הֲוָא וְעַד־עַתִּיק יוֹמַיָּא מְטָה וּקְדָמוֹהִי הַקְרְבוּהִי׃

וְלֵהּ יְהִב שׇׁלְטָן וִיקָר וּמַלְכוּ וְכֹל עַמְמַיָּא אֻמַּיָּא וְלִשָּׁנַיָּא לֵהּ יִפְלְחוּן שׇׁלְטָנֵהּ שׇׁלְטָן עָלַם דִּי־לָא יֶעְדֵּה וּמַלְכוּתֵהּ דִּי־לָא תִתְחַבַּל׃

אֶתְכְּרִיַּת רוּחִי אֲנָה דָנִיֵּאל בְּגוֹא נִדְנֶה וְחֶזְוֵי רֵאשִׁי יְבַהֲלֻנַּנִי׃

קִרְבֵת עַל־חַד מִן־קָאֲמַיָּא וְיַצִּיבָא אֶבְעֵא־מִנֵּהּ עַל־כׇּל־דְּנָה וַאֲמַר־לִי וּפְשַׁר מִלַּיָּא יְהוֹדְעִנַּנִי׃

אִלֵּין חֵיוָתָא רַבְרְבָתָא דִּי אִנִּין אַרְבַּע אַרְבְּעָה מַלְכִין יְקוּמוּן מִן־אַרְעָא׃

וִיקַבְּלוּן מַלְכוּתָא קַדִּישֵׁי עֶלְיוֹנִין וְיַחְסְנוּן מַלְכוּתָא עַד־עָלְמָא וְעַד עָלַם עָלְמַיָּא׃

אֱדַיִן צְבִית לְיַצָּבָא עַל־חֵיוְתָא רְבִיעָיְתָא דִּי־הֲוָת שָׁנְיָה מִן־כׇּלְּהֵין דְּחִילָה יַתִּירָה שִׁנַּהּ דִּי־פַרְזֶל וְטִפְרַהּ דִּי־נְחָשׁ אָכְלָה מַדְּקָה וּשְׁאָרָא בְּרַגְלַהּ רָפְסָה׃

וְעַל־קַרְנַיָּא עֲשַׂר דִּי בְרֵאשַׁהּ וְאׇחֳרִי דִּי סִלְקַת וּנְפַלָה מִן־קֳדָמַהּ תְּלָת וְקַרְנָא דִכֵּן וְעַיְנִין לַהּ וּפֻם מְמַלִּל רַבְרְבָן וְחֶזְוַהּ רַב מִן־חַבְרָתַהּ׃

חָזֵה הֲוֵית וְקַרְנָא דִכֵּן עָבְדָה קְרָב עִם־קַדִּישִׁין וְיָכְלָה לְהֹן׃

עַד דִּי־אֲתָה עַתִּיק יוֹמַיָּא וְדִינָא יְהִב לְקַדִּישֵׁי עֶלְיוֹנִין וְזִמְנָא מְטָה וּמַלְכוּתָא הֶחֱסִנוּ קַדִּישִׁין׃

כֵּן אֲמַר חֵיוְתָא רְבִיעָיְתָא מַלְכוּ רְבִיעָאָה תֶּהֱוֵא בְאַרְעָא דִּי תִשְׁנֵא מִן־כׇּל־מַלְכְוָתָא וְתֵאכֻל כׇּל־אַרְעָא וּתְדוּשִׁנַּהּ וְתַדְּקִנַּהּ׃

וְקַרְנַיָּא עֲשַׂר מִנַּהּ מַלְכוּתָא עַשְׂרָה מַלְכִין יְקֻמוּן וְאׇחֳרָן יְקוּם אַחֲרֵיהֹן וְהוּא יִשְׁנֵא מִן־קַדְמָיֵא וּתְלָתָה מַלְכִין יְהַשְׁפִּל׃

וּמִלִּין לְצַד עִלָּאָה יְמַלִּל וּלְקַדִּישֵׁי עֶלְיוֹנִין יְבַלֵּא וְיִסְבַּר לְהַשְׁנָיָה זִמְנִין וְדָת וְיִתְיַהֲבוּן בִּידֵהּ עַד־עִדָּן וְעִדָּנִין וּפְלַג עִדָּן׃

וְדִינָא יִתִּב וְשׇׁלְטָנֵהּ יְהַעְדּוֹן לְהַשְׁמָדָה וּלְהוֹבָדָה עַד־סוֹפָא׃

וּמַלְכוּתָא וְשׇׁלְטָנָא וּרְבוּתָא דִּי מַלְכְוָת תְּחוֹת כׇּל־שְׁמַיָּא יְהִיבַת לְעַם קַדִּישֵׁי עֶלְיוֹנִין מַלְכוּתֵהּ מַלְכוּת עָלַם וְכֹל שׇׁלְטָנַיָּא לֵהּ יִפְלְחוּן וְיִשְׁתַּמְּעוּן׃

עַד־כָּה סוֹפָא דִי־מִלְּתָא אֲנָה דָנִיֵּאל שַׂגִּיא  רַעְיוֹנַי יְבַהֲלֻנַּנִי וְזִיוַי יִשְׁתַּנּוֹן עֲלַי וּמִלְּתָא בְּלִבִּי נִטְרֵת׃

---

פרק ו' – תרגום מילולי

דריוש המדי קיבל את המלכות, בן שישים ושתיים שנה

וטוב לפני דריוש, והעמיד על המלכות מאה ועשרים אחשדרפנים שיהיו בכל המלכות

ועליהם שלושה שרים, אשר דניאל אחד מהם, אשר להם יתנו האחשדרפנים דין, והמלך לא יינזק

אז דניאל זה התעלה על השרים ועל האחשדרפנים, יען רוח יתירה בו, והמלך חשב להעמידו על כל המלכות

אז השרים והאחשדרפנים בקשו עילה למצוא על דניאל מצד המלכות, וכל עילה ושחיתות לא יכלו למצוא, יען נאמן הוא, וכל שלות ושחיתות לא נמצאה עליו

אז האנשים האלה אמרו: לא נמצא על דניאל זה כל עילה, אלא נמצא עליו בעניין תורת אלוהיו

אז השרים והאחשדרפנים ההם באו ברעש אל המלך, וכן אמרו לו: דריוש המלך, לעולמים חיה

נועצו כל שרי המלכות, הסגנים והאחשדרפנים, היועצים והפחות – להקים חוק מלך, ולהחזק איסור, אשר כל אשר יבקש בקשה מכל אל ואדם עד שלושים יום, בלתי ממך המלך – יושלך לגוב האריות

ועתה, המלך, הקם את האיסור, וכתוב כתב אשר לא ישונה – כדת מדי ופרס אשר לא תעבור

על כן המלך דריוש כתב כתב ואיסור

ודניאל, כאשר ידע כי נכתב הכתב, בא לביתו, וכַוִּין פתוחות לו בעלייתו נגד ירושלים, ושלוש פעמים ביום הוא כורע על ברכיו ומתפלל ומודה לפני אלוהיו – כאשר היה עושה מקדם

אז האנשים ההם באו ברעש, ומצאו את דניאל מבקש ומתכנן לפני אלוהיו

אז נגשו, ואמרו לפני המלך על איסור המלך: הלא איסור כתבת, אשר כל אדם אשר יבקש מכל אל ואדם עד שלושים יום, בלתי ממך המלך – יושלך לגוב האריות? ענה המלך ואמר: נכון הדבר, כדת מדי ופרס אשר לא תעבור

אז ענו, ואמרו לפני המלך: דניאל, אשר מבני גלות יהודה, לא שם עליך המלך לב, ועל האיסור אשר כתבת – ושלוש פעמים ביום בקשתו מבקש

אז המלך, כאשר שמע את הדבר, רע בעיניו מאוד, ועל דניאל שם לב להצילו, ועד בוא השמש השתדל להושיעו

אז האנשים ההם באו ברעש אל המלך, ואמרו למלך: דע, המלך, כי דת מדי ופרס היא – שכל איסור וחק אשר המלך יקים – לא ישונה

אז המלך אמר, והביאו את דניאל, והשליכו לגוב האריות; ענה המלך ואמר לדניאל: אלוהיך, אשר אתה עובד לו תמיד – הוא יצילך

והובאה אבן אחת, ושמה על פי הגוב, וחתם אותה המלך בטבעת שלו ובטבעת רברבנין שלו – כדי שלא ישתנה דבר בדניאל

אז הלך המלך להיכלו, ולן בתענית, ולפניו לא הובאו נגינות, ושנתו נדדה עליו

אז המלך השכים עם שחר, ובחיפזון הלך אל גוב האריות

וכקרבו אל הגוב קרא לדניאל בקול עצוב; ענה המלך ואמר לדניאל: דניאל, עבד אל חי, האלוהיך אשר אתה עובד לו תמיד – היכול להצילך מן האריות?

אז דניאל עם המלך דיבר: המלך – לעולמים חיה!

אלוהי שלח מלאכו, וסגר פי האריות, ולא הזיקוני – יען לפניו נמצאתי זכאי, ואף לפניך, המלך, חבלה לא עשיתי

אז המלך שמח עליו מאוד, ועל דניאל אמר להעלותו מן הגוב; והועלה דניאל מן הגוב, וכל חבלה לא נמצאה בו – כי האמין באלוהיו

ואמר המלך, והביאו את האנשים ההם אשר אכלו את קרצו של דניאל, והשליכום לגוב האריות – המה, בניהם ונשיהם; ולא הגיעו עד קרקע הגוב עד שגברו בהם האריות וכל עצמותיהם רסקו

אז דריוש המלך כתב לכל העמים, האומות והלשונות אשר בכל הארץ: שלומכם ירבה!

ממני הושם חוק, כי בכל ממשלת מלכותי ירעדו ויפחדו מלפני אלוהי דניאל – כי הוא אל חי וקיים לעד, ומלכותו אשר לא תושחת, ושלטונו עד קצה

מציל ומושיע, ועושה אותות ומופתים בשמים ובארץ – והוא הציל את דניאל מיד האריות

ודניאל זה הצליח במלכות דריוש ובמלכות כורש הפרסי

פרק ז' – תרגום מילולי

בשנת אחת לבלשאצר מלך בבל ראה דניאל חלום וחזיונות ראשו על משכבו; אז את החלום כתב, ראש הדברים אמר

ענה דניאל ואמר: רואה הייתי בחזיוני עם הלילה, והנה ארבע רוחות השמים מגיחות לים הגדול

וארבע חיות גדולות עולות מן הים, שונות זו מזו

הראשונה כאריה, וכנפי נשר לה; רואה הייתי עד שנמרטו כנפיה, ותורמה מן הארץ, ועל רגלים כאדם הוקמה, ולבב אדם ניתן לה

והנה חיה אחרת שנייה דמתה לדוב, ולצד אחד הוקמה, ושלוש צלעות בפיה בין שיניה, וכן אמרו לה: קומי אכלי בשר הרבה

אחר כך רואה הייתי, והנה אחרת כנמר, ולה ארבע כנפי עוף על גבה, וארבעה ראשים לחיה, ושלטון ניתן לה

אחר כך רואה הייתי בחזיונות לילה, והנה חיה רביעית איומה ונוראה ועצומה מאוד, ושיניים של ברזל לה גדולות; אוכלת ומדקה, והשאר ברגליה רומסת; והיא שונה מכל החיות אשר לפניה, ועשר קרנים לה

מתבונן הייתי בקרנים, והנה קרן אחרת קטנה עולה ביניהן, ושלוש מן הקרנים הראשונות נעקרו מפניה, והנה עיניים כעיני אדם בקרן זו, ופה מדבר גדולות

רואה הייתי עד אשר כרסאות הושלכו, ועתיק יומין ישב; לבושו כלבוש שלג לבן, ושער ראשו כצמר נקי, כסאו שביבי אש, גלגליו אש דולק

נהר של אש נגר ויוצא מלפניו; אלף אלפים ישמשוהו, ורבוא רבבות יעמדו לפניו; דין ישב, וספרים נפתחו

רואה הייתי אז מן קול הדברים הגדולים אשר הקרן דיברה; רואה הייתי עד אשר נהרגה החיה, והושמד גופה, וניתנה לשרפת אש

ושאר החיות הוסרו שלטונן, וארכה בחיים ניתנה להן עד זמן ועידן

רואה הייתי בחזיונות לילה, והנה עם ענני שמים כאדם בא, ועד עתיק יומין הגיע, ולפניו הקריבוהו

ולו ניתן שלטון וכבוד ומלכות, וכל העמים, האומות והלשונות יעבדוהו; שלטונו שלטון עולם אשר לא יעבור, ומלכותו אשר לא תושחת

נחרדה רוחי אני דניאל בקרבי, וחזיונות ראשי יבהלוני

נגשתי אל אחד מן העומדים, וביקשתי אמת על כל אלה, ויאמר לי, ויפרש לי את הדברים

אלו החיות הגדולות, אשר הן ארבע, ארבעה מלכים יקומון מן הארץ

ויקבלו קדושי עליונים את המלכות, ויחזיקו במלכות עד עולם ועד עולמי עולמים

אז רציתי לדעת האמת על החיה הרביעית אשר היתה שונה מכולן – נוראה מאוד, שיניה של ברזל וטפריה של נחושת, אוכלת, מדקה, והשאר ברגליה רומסת

ועל הקרנים אשר בראשיה עשר, והאחרת שעלתה, ושלוש נפלו מפניה, והקרן ההיא אשר לה עיניים ופה מדבר גדולות, ומראהּ גדול מחברותיה

רואה הייתי, והקרן ההיא עשתה מלחמה עם הקדושים וגברה עליהם

עד אשר בא עתיק יומין, ודין ניתן לקדושי עליונים, והזמן הגיע, והחזיקו הקדושים במלכות

כן אמר: החיה הרביעית – מלכות רביעית תהיה בארץ, אשר תשנה מכל המלכויות, ותאכל את כל הארץ, ותרמסנה, ותדקקנה

ועשר קרניה – ממנה עשרה מלכים יקומון, ואחר יקום אחריהם, והוא ישנה מן הראשונים, ושלושה מלכים ישפיל

ודברים נגד עליון ידבר, וקדושי עליונים יבלה, ויחשוב לשנות מועדים ותורה, וינתנו בידו עד עידן ועידנים וחצי עידן

וישב דין, ושלטונו יוסרו, להשמיד ולהאביד עד סוף

והמלכות, והשלטון, ורב הגדולה אשר תחת כל השמים – יינתנו לעם קדושי עליונים; מלכותו מלכות עולם, וכל השלטונים יעבדוהו וישמעו לו

עד כאן סוף הדבר; אני דניאל מאוד נבעתתי ממחשבותי, וזיו פניי השתנה עלי, והדבר שמרתי בלבי